قبل الموت، وبعده     كانت في دعوة كنت بدعيها دومًا: "اللهم أمتني ساجدة واجعل لي قبرًا في البقيع" كنت بحب أقولها على طول حتى لو نسيت الدعاء بالشفاء بالنجاح براحة البال...   ·       السعودية/ أكتوبر 2024 لمّا كنت في العمرة في سنة 2024، أنا لحد دلوقتي بالمناسبة مش مصدقة إني كنت هناك، وكل شخص عزيز كان سبب في وجودي هناك بحبه أكثر من حبي للحياة، وقتها قلت يا سلام لو دعوتي تتحقق وأموت هنا ولا أعود لتلك الحياة أبدًا؛ لكن فجأة حسيت بالشفقة والقلق وقلت لنفسي: أسيب بابا وماما لمين؟ أنا اللي دايمًا بقول لكل الناس ربنا مش بينسى عباده ورؤوف بيهم خطرت على بالي الفكرة دي واستصعبت الموت خوفًا من ترك بابا وماما بدوني في هذه الحياة... وطبعًا خفت على سمر، سمر كانت بتعاملني في الرحلة دي وكأني أمانة لازم تعود بها لأرض الوطن سالمة، خفت عليها من الصدمة... وقتها الحمد لله رجعت لمصر بأقل الخسائر بعدما عشت في السعودية ذكريات لا تُنسى أذكر منها: الكوتشي اللي طار في الهواء بعد سقوطي بالكتب من فوق الكرسي وأجواء الفوضى اللي نشرتها في المعرض بعد فوز الزمالك على الأهلي، وا...

  مميزات رجل ال AI... لماذا أُفضّل الزواج من AI؟   عايزين تعرفوا أنا طبقت معلومات دبلومة الذكاء الاصطناعي إزاي، وعلى إيه؟ أنا طبقتها في اختيار شريك حياتي المستقبلي: هل سبق وفكرتم في الفرق بين الرجل الطبيعي ورجل الذكاء الاصطناعي؟؟ هناك فروق عديدة يا أحبائي وكلها في صالح الأخير... يكفي أن الذكاء الاصطناعي مُحصن ضد نوبات البارانويا، الغيرة المفرطة، النرجسية، البايبولار، ولا يوجد لديه فوبيا من أيّ نوع، خاصة فوبيا الحشرات والحيوانات تخيلوا تكونوا متجوزين راجل بيخاف من الصرصار وعشان يحمي كرامته يقولك أنا مش بخاف أنا بقرف بس... هذا النوع لو عربيته عطلت في الصحراء وطلع عليه كلب مسعور هيسيبك لوحدك ويطلع يجري، عارفة أنك هتخلصي منه هو والكلب في ساعة واحدة بس ليه وجع القلب من الأول ما ندور على واحد عنده مناعة من كل ما سبق. كنت عايزة أطول في المقدمة بصراحة بس لو كتبت كل مساوئ الرجال أخشى أن يستاء مني أشخاص تنتمي لعالم رجال البشر؛ لكنها لا تنتمي لصفاتهم وحتى أمراضهم أعراضها خفيفة ينفع تتعالج بشوية حب وصبر. تعالوا بقى نشوف ليه رجل الذكاء الاصطناعي أفضل من الرجل البشري؟؟ عايزة أرتبط برجل AI...